|
|
 |
|
 |
| |
ՊՈԼԻԿԼԻՆԻԿԱՆԵՐ |
|
| |
«Քանաքեռ-Զեյթուն» ԲԿ-ի կարևորագույն օղակներից են պոլիկլինիկական հիմնարկները, որոնց ամենօրյա խնդիրն է՝ սպասարկվող բնակչության առողջության առաջնային պահպանումը, մանկության և մայրության պահպանության գործը, ինչպես նաև բնակչության տարբեր խմբերի շրջանում բուժական և կանխարգելիչ միջոցառումների իրականացումը:
Պոլիկլինիկական հիմնարկները 3-ն են՝ «Քանաքեռ-Զեյթուն ԲԿ»-ի պոլիկլինիկան, որը գտնվում է Հր. Ներսիսյանի 7 հասցեում, սպասարկում է Զեյթուն թաղամասի ավելի քան 50 000 մեծահասակ ազգաբնակչությանը (պոլիկլինիկայի վարիչ՝ բժշկ.գիտ.թեկնածու՝ Գարեգին Հրանտի Սարգսյան), «Զեյթուն» պոլիկլինիկան (նախկին 2-րդ մանակական պոլիկլինիկա), որը գտնվում է Դրոյի 17 հասցեում և սպասարկում է 16 000 մեծահասակ և ավելի քան 18 000 մանկական ազգաբնակչության (պոլիկլինիկայի վարիչ՝ Մկրտիչ Վահանի Ուրղանջյան), «Արաբկիր» մանկական պոլիկլինիկան, որը գտնվում է Վ, Փափազյան 32 հասցեում և սպասարկում է շուրջ 19 000 մանկական ազգաբնակչության (պոլիկլինիկայի վարիչ՝ Արեգ Տելեմակի Նարգիզյան): Պոլիկլինիկաներում գործում են տեղամասային թերապևտիկ և մանկաբուժական ծառայություններ, նեղ մասնագիտական կաբինետներ՝ վիրաբուժական, սրտաբանական, նյարդաբանական, ակնաբուժական, քիթ-կոկորդ-ականջի հիվանդությունների, էնդոկրինոլոգիական, ստոմատոլոգիական, ինֆեկցիոն, ուռուցքաբանական, մաշկա-վեներոլոգիական և այլ կաբինետներ, լաբորատոր-գործիքային և ֆունկցիոնալ-ախտորոշիչ հետազոտությունների և այլն:
Պոլիկլինիկաներում գործում են նաև կանանց կոնսուլտացիաներ, որոնց առաջնահերթ խնդիրն է մայրության պահպանությանն ուղղված միջոցառումների իրականացումը: Պոլիկլինիկաների տարբեր կաբինետներում տարեկան այցելությունների թիվը գերազանցում է 150 000-ը, իսկ տնային այցելությունների թիվը կազմում է շուրջ 30 000: Պոլիկլինիկաներում մեծ ուշադրություն է դարձվում երեխաների, դեռահասների, սոցիալապես անապահով ու հատուկ խմբերում ընդգրկված անձանց, թոշակառուների և բնակչության այլ խմբերի առողջության առաջնային պահպանման հարցերին, ինչն իրականացվում է անվճար՝ պետական պատվերի շրջանակներում: |
|
 |
|
 |
|
|
|
|
