Հիվանդանոցի ակնաբուժական կլինիկան, որը գործում է 45 տարուց ի վեր, ներառում է ակնաբուժական վնասվածքաբանության, աչքի անոթային հիվանդությունների, ակնաբուժական գլաուկոմայի ու մանկական ակնաբուժական ծառայության, ցածր տեսողության բաժանմունքները և ակնաբուժական կոնսուլտատիվ պոլիկլինիկան:
 Ակնաբուժական կլինիկայում տարեկան վիրահատվում և կոնսերվատիվ ճանապարհով բուժվում է ավելի քան 4 000 հիվանդ: Այստեղ իրականացվում են շլության, կատարակտայի վիրահատություններ, կերատո- և սկլերոպլաստիկա, աչքի օնկոլոգիական հիվանդությունների և գլաուկոմայի վիրահատություններ:

Ցածր տեսողության բաժանմունքը, որի վերանորոգման և վերակառուցման աշխատանքներն ավարտել են 2006թ. առաջին կիսամյակի վերջում, ապահովված է ժամանակակից սարքավորումներով, ինչն էլ հնարավորություն է տալիս՝ օգնելու տեսողության հետ խնդիրներ ունեցող հիվանդներին՝ օգտագործել մնացորդային տեսողությունը: Այստեղ ախտորոշվում են թույլ տեսողության պատճառները, որոնցից են հիմնականում ցանցաթաղանթի կենտրոնական դիստրոֆիաները, դիաբետիկ ռեթինոպատիաները, տեսողական նյարդի հիվանդությունները, գլաուկոման, կատարակտան, բարձր կարճատեսությունը, աչքի բնածին արատը և այլն: Այս բաժանմունքում իրականացվում է տեսողության տարբեր խանգարումների կորեկցիա և բուժում: Ցածր տեսողության բաժանմունքը ղեկավարում է Լիլիթ Մկրտչյանը: